ວິໄສທັດ
ວິທະຍາໄລເຕັກນິກ-ວິຊາຊີບກຽດຕິສັກ ປະກອບສ່ວນຢ່າງຕັ້ງໜ້າເຂົ້າໃນການພັດທະນາດ້ານວິຊາຊີບດ້ວຍຄວາມກະຕືລືລົ້ນ ເພື່ອສ້າງເສດຖະກິດແບບຍືນຍົງຂອງທ້ອງຖິ່ນ, ລະດັບຊາດ ແລະ ພາກພື້ນ ໂດຍການສະໜອງບັນດາໂຄງການສຶກສາມີຄຸນນະພາບສູງທີ່ຮັບຮູ້ຈາກສາກົນ, ດ້ວຍນະວັດຕະກໍາທີ່ເໝາະສົມເພື່ອ ຍົກລະດັບຄວາມຮູ້, ທັກສະ, ຄວາມສາມາດ, ເພື່ອສ້າງວຽກເຮັດງານທຳ ແລະ ມີຄວາມຮັບຜິດຊອບຕໍ່ສັງຄົມ.
ພາລະກິດ
ວິທະຍາໄລເຕັກນິກ-ວິຊາຊີບກຽດຕິສັກ ໄດ້ພະຍາຍາມສ້າງສະພາບແວດລ້ອມການສຶກສາທີ່ນັກຮຽນສາມາດຮັບຮູ້ທ່າແຮງອັນເຕັມທີ ແລະ ສາຂາວິຊາ ຮຽນທີ່ເຂົາເຈົ້າເລືອກໃຫ້ບັນລຸເປົ້າໝາຍຢ່າງມີຄຸນນະພາບເພື່ອປະເຊີນກັບສິ່ງທ້າທາຍໃນອະນາຄົດ, ເສີມຂະຫຍາຍຂະບວນການປະຊາສໍາພັນ ແລະ ຄວາມເປັນເລີດໃນການສຶກສາຊັ້ນສູງ ເພື່ອຮັບໃຊ້ປະເທດຊາດທັງດ້ານວິຊາການ, ວິຊາຊີບ, ແລະ ວັດທະນະທໍາທີ່ມີຊັບພະຍາກອນມະນຸດທີ່ດີ.
ມຸ່ງໝັ້ນ
ວິທະຍາໄລເຕັກນິກ-ວິຊາຊີບກຽດຕິສັກ ມຸ້ງໝັ້ນໃນການສົ່ງຄ່ຽນວິຊາຊີບ ແລະ ການພັດທະນາສ່ວນບຸກຄົນຂອງສະມາຊິກໃນຊຸມຊົນ ເພື່ອປະຕິບັດໄດ້ຕາມມາດຕະຖານດ້ານຈັນຍາບັນສູງສຸດໃນພຶດຕິກໍາໃຫ້ເປັນມືອາຊີບ, ມີຄວາມໂປ່ງໃສ, ມີຫົວຄິດປະດິດສ້າງ, ມີທັດສະນະຂອງການເປັນຜູ້ນໍາ, ສືບຕໍ່ສ້າງແບບແຜນການສຶກສາຢ່າງຕໍ່ເນື່ອງເພື່ອຍົກລະດັບວິຊາສະເພາະຂອງພະນັກງານໃຫ້ສູງຂຶ້ນເລື້ອຍໆ.
ເປົ້າໝາຍ
ວິທະຍາໄລເຕັກນິກ-ວິຊາຊີບກຽດຕິສັກ ໄດ້ຖ່າຍທອດຄວາມຮູ້ ແລະ ຝຶກອົບຮົມດ້ານວິຊາຊີບ 3 ຂະແໜງການໃນລະດັບຊັ້ນຕົ້ນ, ຊັ້ນກາງ ແລະ ຊັ້ນສູງ ເຊັ່ນ:
1. ຄຸ້ມຄອງການຂົນສົ່ງ ແລະ ລະບົບການສະໜອງແບບຕ່ອງໂສ້.
2. ການຄຸ້ມຄອງທຸລະກິດຂາຍຍ່ອຍທີ່ທັນສະໄໝ.
3. ເທັກໂນໂລຊີທຸລະກິດດິຈິຕອລ.
ຄຸນຄ່າຫຼັກ
L E A D E R = ຄວາມ ເປັນ ຜູ້ ນຳ
Loyalty: ຄວາມຈົ່ງຮັກພັກດີ
Empathy: ຄວາມເຫັນອົກເຫັນໃຈ
Adaptability: ຄວາມສາມາດໃນການປັບຕົວ
Diversity: ຄວາມຫຼາກຫຼາຍ
Excellence: ຄວາມດີເລີດ
Responsibility: ຄວາມຮັບຜິດຊອບ